*** منظر مقرب :
السلام عليكم ورحمة الله وبركاته
تحية عطرة للجميع
راح نعطيكم اليوم في الدرس السادس طريقة رائعة للسلق بالدجاج ويجي بنين وهايل بدون اطالة يلا نبدا على بركة الله نحتاج ربطة سلق السيقان نغليها في الماء والاوراق نفورها ثم نقطعهم رقيق
ونتبلهم مليح ملح فلفل اسود ثوم فلفل حار
من جهة اخرى نقطع قطعتين صدر دجاج قطع صغيرة وايضا نتبلهم ملح فلفل اسود كمون كسبر فلفل حار رند وشوية زيت
نحطه على نار هادئة يطيب بدون اضافة الماء راح يطلق الصوص وحده ونغطيه اكيد
بعد ما يطيب ننزع الدجاج وتبقى هاذي الصوص ناخذ منها ملعقتين كبيرتين نتركها نحتاجها فيما بعد
وفي الصوص المتبقية نضع السلق ونحطه على نار هادئة يتشرب صوص الدجاج وراح يجي بنين
الان نرحي الدجاج الطايب وحده
ثم نزيد نرحي السلق وحده
ثم نزيد نرحي السلق وحده
نحضر 4 بيضات او خمسة + ملح فلفل اسود ملعقتين كبيرتين نتاع الصوص اللي احتفظنا بها وشوية فرينة وخميرة القاطو راح يخليو الطبق خفيف ولذيذ احسن بكثير من البيض وحده يجي ثقيل بعد ما يطيب
نخلط المكونات ونقسمها على اثنين نص نضيفه للدجاج المرحي والنصف الاخر للسلق المرحي
والجبن نتركه نضعه بين الطبقتين
نضع ورق الزبدة في القالب
نضع ورق الزبدة في القالب
نضع الطبقة الاولى للدجاج وفوقها الجبن المبشور
ثم السلق ونسويه مليح
ثم الدجاج المرحي بدون بيض والجبن المبشور ورشة اعشاب جافة
الى الفرن على نار متوسطة حتى يطيب هاهو جاهز
نقلبه ونزينه
ويقدم
اتمنى الطبق ينال اعجابكم وهو فعلا لذيذ جدا وصحي
الشاف : ام سامي.
21 / 05 / 2013
ليست هناك تعليقات:
إرسال تعليق