البيتزا بشكل مختلف و شهي / الشاف ام رامي / الدرس الاول.

 *** منظر جانبي :

السلام عليكم ورحمة الله وبركاته 

كيفكن حبيباتي ؟؟ ان شاء الله بخير 

اليوم نقدم لكم بيتزا غير الشكل المعتاد بما اننا نستهلكها كثيرا في الصيف نحاولوا نقدموها بطريقة مختلفة ومشهية 

نخليكم مع المقادير والطريقة 

*** المقادير بالنسبة للعجينة :

2كاس فرينة + ملعقتين كبيرتين نشاء يعطي للبيتزا خفة وهشاشة + فنجان تاع قهوة زيت + بيضة + ملح + 3 ملاعق صغيرة خميرة الخبز + ملعقتين صغيرتين من السكر

*** الطريقة :

نضع جميع المقادير في العجانة ونعجنها بماء دافء

نغطيها ونخليها تخمر على راحتها انا خليتها ساعة الا ربع 
في هذه الاثناء نجهز صلصة الطماطم : حبة طماطم مرحية + ملعقة كبيرة طماطم مصبرة + هريسة حسب الرغبة + ثوم وشوية زيت ملح وفلفل اسود الكل على نار خفيفة حتى تعقد دون اضافة الماء

*** مقادير الحشو :

حبة باذنجان صغيرة مقطعة ومقلية + فلفل حار مقطع رقيق + زيتون اخضر شرائح + زيتون اسود

فرماج + طون طماطم انا استعملت علبة واحدة 

بعد ما تخمر العجينة نزيد نعجنها لدقائق ثم نقسمها على 8 كويرات

ندهن الطاولة بالزيت ونقرصهم 

نضع في الوسط ملعقة من الصوص

 ثم باقي امكونات فلفل حار + زيتون اخضر + باذنجان + طون

واخيرا الفرماج 

نمدد حواشي العجينة

نغلق على الحشو

نقلبهم في صينية الفرن هكذا ونثقبهم

ندهنهم بباقي الصلصة وفي الوسط ندخل حبة زيتون نخليها ترتاح شوية ونطهيها في الفرن المسخن مسبقا مع تحميرة خفيفة من فوق

نخرجها من الفرن

نقسم كل قرصة على حدى ونزينها بالمايونيز

لذيذة جدااا  جربوها وشوفوا

في الاخير كان هذا يا بنات الدرس الاول و هو طبق اخترته بسيط 

ليكون في بداية الدروس فاتمنى انكن تجربوه و بالتوفيق للجميع .

ملاحظة : اي سؤال يكتب في شكل تعليق اسفل الموضوع و سارد عليه في وقته 

                                                           الشاف : ام رامي .
                                                16 / 05 / 2013